ഭൂപടം..

ഇത് വെറുമൊരു ഭൂപടമല്ല.
ഓര്‍മയുടെ ചുവര്‍ ചിത്രങ്ങളത്രെ.
ഞാന്‍ നടന്ന വഴികള്‍, കുളവാഴ മൂടിയ കുളങ്ങള്‍,
പശുവിന്റെ ചാണക ഗന്ധം.
നിലാവത്ത് ഉറങ്ങിയ കാലിയാന്ദ്ര..
ഇതൊക്കെ ഇവിടെ എനിക്ക് കാണാനും അനുഭവിക്കാനുമാകുന്നു.
എങ്കിലും, നിനക്ക് ഇത് വെറുമൊരു ഭൂപടം മാത്രം.
കടലും കരയും അതിര് തിരിച്ച ഭൂപടത്തില്‍ മറ്റൊന്നും നീ കണ്ടില്ല.
അതൊന്നും നിന്റെ കുറ്റമല്ല.
നിനക്കിത് ഓണപ്പരീക്ഷക്ക് കാണാതെ വരക്കാനുള്ള ഒരു പടം മാത്രം.
എനിക്കിത് ഈ ഓണത്തിനും കാണാതെ ഓര്ക്കാനുള്ള ഒരു പടം മാത്രം.
അത്രയ്ക്കായിരുന്നു നിനക്കും എനിക്കും ഉള്ള വ്യത്യാസം.
നിനക്കറിയില്ലല്ലോ, ഈ വഴിയിലൂടെ ആയിരുന്നു അന്ന് ഞാന് കുളവാഴ കോരാന് സൈക്കിള് ചവിട്ടി പോയതെന്ന്.
ആ കുളവാഴകള് അത്തപ്പൂവിനു അതിര് തീര്ത്തത് നീയും കൂടി ചെര്ന്നായിരുന്നല്ലോ.
സന്ധ്യക്ക് മുന്നേ ഉറങ്ങിപ്പോയ ഉറക്കം തൂങ്ങി മരങ്ങള്, ദേ , അതീ വഴിക്കായിരുന്നു.
ഇതിനു കിഴക്ക് വശത്തായി നിറയെ മാവുണ്ടായിരുന്നു.
അതിലെ മാങ്ങയോക്കെ നമ്മള് ഒന്നിച്ചു എറിഞ്ഞു വീഴ്ത്തുമായിരുന്നു.
ഓ... ഇതൊക്കെ ഞാന് പറഞ്ഞിട്ടെന്താ...
ഭൂപടത്തില് ഇതൊന്നും രേഖപ്പെടുത്തില്ലല്ലോ.
രേഖകള് നാട്ടുവഴി താണ്ടി ഇന്ത്യാ മഹാരാജ്യത്തിലൂടെ ലോകം ചുറ്റുമ്പോള്
നിനക്ക് ഇത് വെറും ഒരു അറ്റ്ലസ് ബുക്ക് മാത്രം.